Bashkimi Evropian ka në plan për të ulur importet me dy të tretat deri në fund të vitit dhe për të ndërprerë plotësisht gazin rus deri në vitin 2027 por situata e çmimeve dëshmon se nuk është aq e thjeshtë.
Evropa po mbështetet tek furnizimet nga SHBA, që po rrit prodhimin e gazit të lëngshëm natyror. Ndërkaq Gjermania do të mbajë në punë gjatë dimrit deri në muajin Prill 2023 dy centralet bërthamore që ishin planifikuar të mbylleshin.
Megjithatë energjia bërthamore mbetet një teknologji me rrezik të lartë, dhe jo e qëndrueshme, gjë që e tregon edhe shembulli i Francës, ku aktualisht gjysma e centraleve bërthamorë prodhojnë energji elektrike, pasi ato duhet të mirëmbahen, ose për shkak të thatësirës. Gjermania ka aktualisht në punë tre centrale bërthamorë. Pas katastrofës së centralit në Fukushima, në vitin 2011, ish kancelarja e Angela Merkel vendosi të mbyllte gradualisht të gjitha centralet bërthamore në Gjermani.
Dimri i ardhshëm do të tregojë se sa realist është besimi i Evropës se mund të bëjë pa gazin e naftën ruse. Do të shihet nëse do të ketë një ngecje të industrisë, përfshirë atë kimike si dhe prodhimi i energjisë elektrike duke përdorur gazin.
Dimri do të jetë një situatë krejtësisht e re për evropianët”, e cila pritet të jetë shumë e paqëndrueshme”.
Gazprom po shqyrton mundësinë e ndërtimit te një gazsjellësi drejt Kinës përmes Mongolisë. Rusia ka njoftuar se do të pezullojë dërgesat e naftës dhe derivateve të naftës për vendet dhe kompanitë që vendosin një çmim tavan.
Discussion about this post