Dinamo e ka befasuar Flamurtarin në Vlorë. Blutë kanë arritur një fitore të pastër 3-0 në transfertë përballë kuqezinjve, në kuadër të javës së 15-të të “Abissnet Superiore”.
Pavarësisht përpjekjeve të skuadrës së Flamurtarit në minutat e para, dinamovitët arritën të zhbllokojnë sfidën në mundësinë e parë të krijuar me anë të Lorenco Vilës (29’).
E njëjta situatë edhe në pjesën e dytë, me Qefalian (78’) që dërgon në rrjetë një top të shërbyer nga Bregu brenda zonës vlonjate.
Për të mbyllur të gjitha llogaritë ka menduar James (87’), i ardhur nga stoli, i cili shfrytëzoi maksimalisht një top të Ferrukut nga e djathta e sulmit.
Me këtë fitore Dinamo ngjitet në vendin e tretë me 26 pikë, ndërsa Flamurtari mbetet në vendin e parafundit me 13 pikë.
gijotina.com/
Discussion about this post