Dinamo e Ilir Dajës vetëm një hap larg historisë, ekipi shqiptar mbërrin në Poloni

në Sport

Kohë leximi: 1 min

Dinamo e Ilir Dajës po përjeton një sezon “ëndërrash” në Conference League. Pasi bënë bujë me eliminimin e gjigantëve kroat të Hajduk Split, tashmë e ka radhën skuadra polake e Jagiellonia.

Ndeshja e parë do të mbahet të enjten në stadiumin mik të “Chorten Arena”, duke nisur nga ora 20:15. Skuadra e Dinamos ka mbërritur tashmë në Poloni dhe do të kryhen disa seanca stërvitore.

Ka qenë vetë klubi dinamovitë që e ka njoftuar mbërritjen në Poloni përmes Drejtorit sportiv, Ermal Barushi. Pavarësisht rezultatit në ndeshjen e parë, bileta e kualifikimit për në fazën e grupeve të Conference League do të vendoset në “Air Albania”, Tiranë.

Ndeshja mes polakëve të Jagiellonias dhe Dinamos në play-off në Ligën e Konferencës do të jetë shumë e veçantë sa i përket sjelljes së tifozëve në stadium. Klubi polak është ndëshkuar me gjoba të rënda nga UEFA dhe rrezikon t’i mbyllet stadiumi nëse mbështetësit e saj racistë do të përsëritin veten ndaj Dinamos.

Ndaj klubi i Jagiellonias është në gatishmëri të lartë dhe prej ditësh ka paralajmëruar tifozët që të mos përsëritin ngjarje të tilla të enjten pasi rrezikon që në rast kualifikimi në grupet e Ligës së Konferencës, të ndjekin ndeshjet nga TV.