Dinamo ka vazhduar javën e dytë të përgatitjeve në Itali, teksa për fatin e mirë të bluve, nisja e kampionatit është shtyrë. Kjo e ndihmon sadopak stafin teknik për të konsoliduar ekipin.
Pas miqësores me Modenën, trajneri Di Biaxho ka punuar veçmas me repartet, duke bërë disa prova me gjithë grupin e lojtarëve për të kuptuar se cilët janë ata që do t’i bëjnë më shumë punë.
Dinamo do të luajë më 11 gusht, një ditë para kthimit në Shqipëri, miqësoren e dytë italiane. Kundërshtar do të jetë ekipi i Riminit, që është pjesë e Serisë C të futbollit italian.
Ky mendohet të jetë edhe testi përfundimtar para se trajneri Di Biaxho dhe stafi i tij të vendosin për ata që duhet të largohen nga skuadra.
Skuadra e riminit mbahet mend për publikun e gjërë të futbollit, si skuadra që turpëroi Juventusin në vitin 2006, në javën e parë të Serisë B. Të kuqtë i ndalën bardhezinjtë, duke barazuar ndaj tyre në një takim që, me pak fat, mund t’a kishin fituar.
Discussion about this post