Dinamo mposhti 2-1 Partizanin në sfidën e vlefshme për javën e 23-të të kampionatit shqiptar. Ndeshja në “Niko Dovana” u zhbllokua pas 10 minutash lojë. Mba kaloi në epërsi të kuqtë, me tifozerinë që filluan festën, me të drejtë. Pjesa e parë përfundoi 0-1, ndërsa mjaft të luftuara ishin edhe 45 minutat e dyta.
Kaçorri dërgoi shifrat në 1-1 në minutën e 56-të. Për përmbysjen e ekipit të Dritan Mehmetit mendoi Vila, në të 87-tën. Ekipi i Orges Shehit është në vendin e dytë me 37 pikë dhe shtyn sërish takimin me fitoren. Dinamovitët renditen në vendin e pestë me 31 pikë.
Prej 15 vitesh Dinamo nuk ia dilte të triumfonte përballë Partizanit, teksa fitorja e fundit e “bluve” regjistrohej më 4 prill të vitit 2009 (2-1). Në 10 duelet e fundit mes skuadrave, “demat” kishin triumfuar në 6 prej tyre, ndërsa 4 sfida të tjera kanë përfunduar barazim.
Për të kaluar te sfida tjetër e Superiores, Vllaznia mposhti 2-1 Teutën. Në Shkodër, për djemtë e Qatip Osmanit “tundën rrjetën” Gruda dhe Coba, ndërsa goli i nderit për durrsakët erdhi nga Arifi.
Vllaznia gjendet në vendin e 3-të dhe synon një vend në Final Four. Teuta e parafundit synon që të dalë sa më shpejt nga zona e ftohtë.
Discussion about this post