Lajmi për bashkëpunimin mes Dinamos dhe klubit të madh anglez Manchester City, me fokusin tek akademia, ka dhënë efekt menjëherë tek ekipet e moshave të kryeqytetasve.
Sipas asaj që kanë mësuar mediat sportive në Shqipëri, ka pasur një dyndje aspirantësh-futbollistë tek akademia e klubit të dytë të kryeqytetit, ditët e fundit. Drejtuesit e Dinamos janë në riorganizim e sipër të akademisë.
Stafi i akademisë do të ketë luksin të seleksionojë lojtarët më të talentuar dhe të ndërtojë skuadra të forta te moshat.
Aktualisht klubi blu ka si seli zyrtare kompleksin në Arbanë, aty ku brenda këtij muaji pritet të përfundojë një nga fushat, ndërsa edhe tjetra është në proces e sipër. Shumë shpejt ekipi i parë dhe akademia do të kenë kushte ideale në kompleksin e ri.
Discussion about this post