Tirana barazoi 1-1 ndaj Dinamo Batumit në kryeqytet dhe pas një jave do të luajë në transfertën gjeorgjiane. UEFA e ka vlerësuar sërish maksimalisht këtë ndeshje, duke i dhënë një rëndësi të veçantë edhe gjykimit.
Pasi në Tiranë ishte një gjyqtar anglez, në Gjeorgji do të jetë gjyqtari i Serisë A italiane, Fabio Mareska.
42-vjeçari italian do të vërë drejtësi në stadiumin e Batumit, aty ku bardheblutë do të synojnë që të marrin një kualifikim.
Mareska është ndër gjyqtarët më të njohur në Itali dhe shpesh i janë besuar ndeshje të mëdha ku nuk kanë munguar as polemikat.
Sezonin e shkuar ai ishte arbitër i ndeshjes Roma – Milan, ku Murinjo i pakënaqur me vendimet e tij, teksa e ka pritur në tunel për të folur por i ka kërkuar asistentit sepse e dinte që do të ndëshkohej me të kuq.
Ndihmësit e Mareskas do të jenë Xhorxho Pereti dhe Dario Garzeli ndërkohë që Mateo Marketi do të jetë gjyqtar i katërt për këtë takim./PanoramaSport
Discussion about this post