E Ngarkuara me Punë e Ambasadës së Shteteve të Bashkuara në Shqipëri, Nancy VanHorn, ka zhvilluar gjatë javëve të fundit një seri takimesh me zyrtarë të lartë të qeverisë shqiptare.
Në fokus të diskutimeve ka qenë forcimi i bashkëpunimit mes dy vendeve dhe zbatimi i prioriteteve të politikës amerikane. VanHorn ka ritheksuar përkushtimin për agjendën e Donald Trump, duke vënë theksin te eliminimi i karteleve të krimit të organizuar, respektimi i angazhimeve të aleatëve të NATO për shpenzimet në mbrojtje, si dhe garantimi i marrëveshjeve të drejta për kompanitë amerikane që operojnë në Shqipëri.
Ambasada thekson se bashkëpunimi me institucionet shqiptare do të vijojë për të siguruar rezultate konkrete si për qytetarët amerikanë, ashtu edhe për ata shqiptarë.
Postimi i plotë:
Gjatë javëve të fundit, e Ngarkuara me Punë Nancy VanHorn zhvilloi takime me ministrat e emëruar së fundmi në detyra të reja; Zëvendëskryeministren Albana Koçiu, Ministrin e Mbrojtjes Ermal Nufi, Ministrin për Europën dhe Punët e Jashtme Ferit Hoxha, Ministrin e Energjisë dhe Infrastrukturës Enea Karakaçi, Ministrin e Drejtësisë Toni Gogu, Ministrin e Brendshëm Besfort Lamallari, si dhe Ministren për Marrëdhëniet me Parlamentin Erjona Ismaili. Znj. VanHorn ritheksoi përkushtimin e Ambasadës së Shteteve të Bashkuara në zbatimin e agjendës së Shtëpisë së Bardhë të Trump: eliminimin e plotë të karteleve të krimit të organizuar, bindjen e aleatëve të NATO-s për të respektuar angazhimin e tyre të Hagës për shpenzimet në fushën e mbrojtjes dhe marrëveshje të drejta për kompanitë amerikane që bëjnë biznes në Shqipëri. Ne vazhdojmë të punojmë me partnerë në të gjitha ministritë dhe institucionet që ndajnë angazhimin tonë për dhënien e rezultateve si për amerikanët, ashtu edhe për shqiptarët.
gijotina.com/
Discussion about this post