Gjykata ka lënë sërish masën e sigurisë “arrest me burg” për Selim Çekajn i akuzuar për trafik narkotikësh në kuadër të grupit kriminal, pasi në prill të këtij viti në kontejnerin me banane të porositur nga kompania e tij, u gjeten 49 kg kokainë.
Selim Çekaj, babai i Arbër Çekajt, ka bërë kërkesë për ndryshim mase në Gjykatën e Shkallës së Parë. Pritet që të premten kërkesa të shqyrtohet nga gjyqtari Erion Çela, i cili më herët, pavarësisht kërkesës se SPAK për “Arrest shtëpie”, vendosi te lërë në fuqi arrestin në burg për 72-vjeçarin.
Më herët Çekaj mohoi të kishte lidhje me drogën. Ai tha se ishte thjesht një tregtar frutash dhe se efektivët duhet ta zbulonin se kush ia kishte future lëndën narkotike në konteiner. Por, pavarësisht deklaratave, Selim Çekaj, u vu në pranga. Ai tashmë është bashkuar me të birin, Arbër Çekaj. Ky i fundit është dënuar me 14 vite burg po për drogë, e sjellë në të njëjtën skemë me banane nga Ekuadori dhe e kapur në kontejnerët e firmës së tij “Arbër Garden”. / A.L gijotina.com /
