Disa vatra të madha zjarri ka përfshirë malin me pisha në Kallmet të Lezhës.
Burimet për Gijotina.com bëjnë me dije se zjarri ka nisur që prej pasdites së sotme, ndërsa forcat zjarrfikëse ndodhen në vendngjarje në përpjekje për të shuar zjarrin.
Mësohet se flakët janë përhapur me shpejtësi në një sipërfaqe të madhe duke ju afruar edhe banesave.
Terreni i vështirë malor vështirëson punën e zjarrfikësve ndërsa po ndërhyhet me mjetë rrethanorë.
Situata e zjarreve në Shqipëri sa vjen dhe rëndohet akoma më tepër, duke shkaktuar kështu probleme të mëdha materiale por edhe mjedisore.
Përfshirja e Shqipërisë nga veriu në jug nga zjarret, nxorri në dritë mungesën e mjeteve për t’i shuar ato brenda një kohe sa më të shkurtër, duke e lënë vendin në një katrahurë dhe mizori për qytetarët e rrezikuar.
