Ndeshja e javës së 11 të Superligës kundër Kukësit ka rezultuar fatale për skuadrën e Kastriotit që është mundur me rezultatin e thellë 1-6.
Duke folur pas kësaj disfate trajneri i krutanëve, Ramazn Ndreu u shpreh se ekipi i tij u mundua të bënte më të mirën, por shtoi se nuk maten dot ende me ekipe si ai i ‘Verilindorëve’
“E kam thënë që nuk matim akoma dot forcat me skuadra si kjo, ndoshta do të ishim të kënaqur me humbje minimale, se janë skuadra me nivel. Por do të mundohemi të marrim sa të mundemi me këto skuadra dhe të presim ato ndeshje që janë finale, aty-aty me nivelin tonë. Dhe presim merkaton për të rregulluar diçka.”-tha ai.
Më tej tekniku e gjeti problemin në fillimet e këtij sezoni, duke theksuar se u formuan shumë me vonesë si skuadër.
“Problemi është që në fillesat e kampionatit, jemi skuadër e ndërtuar me vonesë. Përpos kësaj 3-4 lojtarë i kemi me dëmtime e probleme disiplinore. Jemi me organikë të cunguar, edhe ndërrimet kur i bëjmë i bëjmë të sforcuar. Bëjmë shumë lëvizje e kjo sjell çorientim, por ngaqë jemi të kufizuar, kjo na sjell probleme”,-deklaroi Ndreu.
Aktualisht Kastrioti qëndron në vend të fundit të Superligës me vetëm 5 pikë të grumbulluara në 11 ndeshje./K.T/Gijotina.com
Discussion about this post