Shteti shqiptar duhet të dëmshpërblejë me nga 4500 euro gjashtë familje rome dhe egjiptiane. Vendimi u mor nga Gjykata Evropiane e të Drejtave të Njeriut, në kuadër të masave kundër diskriminimit.
Dy komunitetet së bashku me disa organizata ndërkombëtare e akuzuan në Strasburg për racizëm me pasoja veçimin e fëmijëve gjatë mësimdhënies. Kjo pasi shkolla 9 vjeçare “Naim Frashëri” në Korçë ndiqej vetëm nga fëmijë të këtyre komuniteteve.
Pas një hetimi dy vjeçar Gjykata Ndërkombëtare e shpalli fajtor shtetin shqiptar. Por edhe pas këtij vendimi, në shkollë nuk ka ndryshuar thuajse asgjë. Këtë vit vetëm tre fëmijë të fshatit Voskop që nuk i përkasin këtij komuniteti kanë nisur klasën e parë.
Drejtoresha e Drejtorisë Arsimore Vinjola Çekrezi në një bisedë telefonike i tha Abc se strategjia për ti dhënë fund segregimit do kohë të zbatohet pasi shkolla ndodhet në një lagje që banohet nga ky komunitet.
Por Komisioneria e të Drejtave të Njeriut kundër Diskriminimit nuk mendon njësoj. Deformimi ,tregon ajo, erdhi pasi një shoqatë humanitare përfshiu drekën në shkollë falas me qëllim nxitjen e fëmijëve romë dhe egjiptian të ndjekin mësimin.
Komisioneria e të Drejtave të Njeriut kundër Diskriminimit sugjeron dhe zgjidhjen. Pasojë e strategjisë së ndjekur në shkollën 9 vjeçare “Naim Frashëri” në Korçë ishte dhe reduktimi i numrit të nxënësve. Nga 340 fëmijë pas dy vjetësh mbetën 120.
Discussion about this post