Partia Demokratike i është nënshtruar një sërë ndryshimesh ditën e sotme. Bëhet me dije se Kryesia e Partisë ka marrë disa vendime me të cilat synohet distancimi i kësaj force politike nga dhuna dhe nga nxitësit e saj. Në fjalën e tij kryetari i Partisë Demokratike është shprehur se vendimet e marra sot nuk kanë qenë të lehta.
“Kryesia e Partisë ka marrë vendimet e saj, për tu distancuar nga dhuna. Përjashtimi nga Partia i organizatorëve të dhunës, nxitësve të dhunës, ekzekutorëve të dhunës, nuk ishte vendim i lehtë, por ishte vendimi i duhur. Kryesia ka bërë thirrje për një pjesë tjetër që të gjejnë kurajon për tu distancuar nga dhuna. Duhet ta bëjnë këtë, për demokratët, për PD, për Shqipërinë”, deklaroi ai.
Basha është shprehur se dora e tij mbetet e shtrirë ndaj çdo demokrati që do ndryshimin e Shqipërisë dhe është në partneritet me SHBA-në, si një formë për të përmbysur atë që ai i referohet si rrëgjimi i Edi Ramës.
“Unë e kam dorën te shtrirë ndaj cdo demokrati qe do nje PD te forte ne partneritet dhe aleance me SHBA dhe kunder regjimit të korruptuar te Edi Rames. Askush nuk është i tepërt. Ju kërkoj dhe ju të shtrini dorën e bashkëpunimit për çdo demokrat. Për çdo qytetar që do ndryshimin dhe nxjerrjen e Shqipërisë, familjeve të tyre dhe në veçanti fëmijëve të tyre nga kjo krizë e rëndë”, tha Basha.
Basha ka bërë publike ndryshimet brenda partisë ku Alfred Rushaj nuk do të mbajë më postin e kreut të grupit parlamentar të PD, por do të zëvendësohet Enkelejd Alibeaj. Sipas tij ky vendim është marrë me dakortësinë e të gjitha palëve.
“Në zbatim të vendimit të Kryesisë, ku është vendosur që organizatorët e dhunës të mos mbajnë pozicione drejtuese në Grup Parlamentar, dua t’ju njoftoj ndryshimet që do ti propozoj Grupit Parlamentar. Kam vendosur që këtë ta ndajë më së pari me Këshillin Kombëtar të PD, ku është prezent e gjithë trupa drejtuese e partisë. Edhe pse z. Rushaj nuk është sot prezent në mbledhje për arsye shëndetësore, unë dua ta falenderoj atë për gjithë punën e jashtëzakonshme që ka bërë gjatë kësaj periudhe, dhe bashkërisht jemi duke punuar për një projekt të përbashkët politik për të ardhmen, që ndihmon dhe con përpara sfidat që ka PD. Fillimisht dua tju informoj se me një vendim të përbashkët timin dhe të Kryetarit të Grupit Parlamentar z. Alfred Rushaj, kemi vendosur me dakordësi, që drejtimi i Grupit, me sfidat e reja që kemi përpara, t’i kalojë z. Enkelejd Alibeaj” tha Basha.
Ndryshimet e tjera të propozuara nga kryedemokrati Lulzim Basha kanë të bëjnë me drejtimin e komisioneve parlamentare dhe në Byronë e Kuvendit, si më poshtë:
Kryetar i Komisionit të Shëndetësisë: Grida Duma
Kryetar i Komisionit të Arsimit: Flutura Açka
Nënkryetar i Komisionit të Ligjeve:Dhurata Çupi
Sekretariati për Buxhetin: Xhelal Mziu (sekretar)
Sekretariati për Procedurat, Votimet dhe Etikën: Bledion Nallbati (anëtar)
Sekretariati për Statusin e Deputetit: Dashnor Sula (sekretar)
Sekretariati për Kërkimin Parlamentar, Bibliotekën dhe Botimet: Lindita Metaliaj (anëtar)
Discussion about this post