Në shtëpinë e “Big Brother VIP” kanë nisur përsëri debatet, ku kësaj radhe kanë qenë midis Granitit dhe banorëve të tjerë.
Ai ka diskutuar lidhur me faktin se sa e ka penalizuar afërsia me Fifin dhe se sa i lirë është ai në veprimet dhe sjelljen e tij.
Semi i ka sugjeruar atij të shkëputet nga afërsia me Fifin, pasi sipas saj, do të ishte më i qetë.
“Edhe unë gjykohesha shumë, nuk isha e qetë derisa erdhi Bora. Tani jam pak më e qetë dhe jam distancuar pak nga Donaldi, këtë gjë ta sugjeroj edhe ty”– tha Semi.
Gjithashtu Donaldi i sugjeroi Granitit të njëjtën gjë, aq më tepër që Graniti nuk e njihte Fifin më parë siç njihej ai me Semin.
“Unë këtë vajzën e njihja jashtë, ti Fifin nuk e njeh. Për këtë duhet të jesh më i lirë”,- tha Donaldi.
Graniti këmbënguli se të gjitha veprimet kanë ardhur si pasojë e faktit se nuk ka dashur të mërzisë Fifin dhe asnjë prej banorëve.
Semi ishte ajo e cila i tha se sjellja e tij nuk ka qenë më e mira e mundshme pasi duke qenë i dashuruar jashtë zgjodhi që t’i japë shpresa edhe Fifit.
Gjithashtu dhe Arditi këmbënguli se Graniti i përdori ndjenjat e Fifit për vëmendjen e publikut duke i shprehur se kishte një pëlqim edhe nga ana e tij.
Pas kësaj përballje tepër tensionuese, Graniti ka vendosur në heshtje të bëjë gati valixhet dhe të kërkojë daljen nga shtëpia.
Banorët janë nisur në drejtim të tij me misionin për ta bindur të mos e ndërmarrë këtë veprim.
Discussion about this post