ARRSH bëri rrugën me një sens lëvizje dhe akoma nuk ju ka dhënë një zgjidhje. Në këtë kuadër banorët e Rinasit kanë dalë sot për të tretën ditë radhazi në protestë. Ata kërkojnë që ARRSH të heq tabelat që kanë bllokuar njërin krah të aksit rrugor që lidh Tiranën me Aeroportin “Nënë Tereza”. Sot protestuesit kanë zgjedhur që të bllokojnë rrethrrotullim pranë aeroportit duke paralizuar kështu lëvizjen.
Kujtojmë se në dy ditët e para të protestës ata kanë paralajmëruar se nuk ndalen derisa rruga të hapet, pasi iu pengon atyre të marrin shërbimet bazikë si, shkolla, ambulanca dhe ushqimoret. Madje ditën e djeshme ka pasur disa momente tensioni, ku policia ka dhunuar protestuesit që t’i shpërndajë ata. ARRSH ka vendosur që për një afat të pacaktuar lëvizja drejt aeroportit të realizohet me një sens lëvizje me drejtimin nga Qafë Kashari-Rrethrrotullimi i “Nënë Terezës”-Ahmetaq. Mjetet që vijnë nga veriu për drejtimin në Rinas do të ndjekin lëvizjen Fushë Krujë-Vorë-Qafë Kashar-Aeroport, ndërsa banorët e zonës që duhet të shkojnë drejt Rinasit apo për të shkuar në autostradë, nuk do të mund që të përdorin rrugën. Ata duhet të shkojnë deri tek rrethrrotullimi i Vorës për të marrë aksin e autostradës. Ky vendim është marrë për një afat të pacaktuar që lëvizja drejt aeroportit të realizohet me një kalim, me drejtimin nga Qafë Kashari-Rrethrrotullimi i “Nënë Terezës”-Ahmetaq.
Discussion about this post