Ashtu sikur u paralajmërua qytetarët janë mbledhur sot para Kryeministrisë për të kundërshtuar rritjen e çmimeve. Mijëra qytetarë protestojnë për 6 ditë radhazi dhe shprehen se nuk do të dorëzohen derisa çmimet të barazohen të paktën me vendet e tjera të rajonit. Me dhjetëra qytetarë janë grumbulluar dhe shprehen se do të vazhdojnë me protesta paqësore, por nuk dorëzohen nëse qeveria nuk plotëson kërkesat e tyre.
Në javët e fundit çmimet e karburanteve dhe ushqimeve në vendin tonë kanë arritur shifra rekord duke u bërë më larta në rajon dhe vunë në vështirësi qytetarët pasi kanë të ardhura të pakta.
Sakaq, bëhet me dije se qytetarët do të paraqesin sot para qeverisë kërkesat e tyre, ku thelbësore është edhe reduktimi i taksave për naftën si dhe bërja transparente e rezervave që ka qeveria.
Discussion about this post