Të burgosurit që vuajnë dënimin në burgun e Peqinit kanë hyrë në grevë urie qe një dite me parë. Burime për Gijotina. com shprehen se rreth 150 të dënuar kanë refuzuar ushqimin, apo të dalin jashtë si pasojë e mungesës së takimeve me familjarët e tyre nga situata e krijuar me Covid-19.
Kjo nuk është hera e parë që në burgun e sigurisë së lartë në Peqin, zhvillohet një grevë urie nga të dënuarit si pasojë e kufizimeve nga koronavirusi. Ata kërkojnë të lejohet takimi me familjarët e tyre, ndërsa një tjetër arsye që ata kanë protestuar ka qenë edhe aplikimi i regjimit 41-biss.
E njëjta situatë është paraqitur më herët në burgun e Burrelit dhe të Fushë-Krujës, ku disa ditë më parë rreth 70 të burgosur në Burgun e Sigurisë së Lartë në Burrel refuzuan ushqimin që ofrohet nga institucioni.
