Në ditën e dytë të protestës, maturantët kanë deklaruar se pyetjet te testit të matematikës, kanë qenë të ndërtuara jo sipas kurrikulës.
Protestuesit fillimisht protestuan para Ministrisë së Arsimit, për t’u zhvendosur më pas tek Zyra e Qendrës së Shërbimit Arsimor.
Ata kërkojnë rishikimin e testit, duke paralajmëruar bojkotimin e provimit të radhës.
“Nuk kanë ditur ta përkthenin provimin. Kemi mbështetje nga gjithë mësuesit dhe janë shprehur se nuk janë të sakta. Nuk jemi budallenj të gjithë. E ardhmja jonë është në duar e këtyre kopjacëve”, thotë një maturante.
Ndërkohë nga Ministria e Arsimit, ende nuk ka një reagim zyrtar se çfarë do të ndodhë me kërkesat e tyre.
