Përfaqësuesja e PD në Komisionin e Ekonomisë, Sorina Koti, në një deklaratë për mediet në Kryesinë e Kuvendit, ka shprehur se prezenca e PD ka të bëjë me përfaqësimin e qytetarëve shqiptarë sidomos për çështje kaq të rëndësishme siç mbulon Komisioni i Ekonomisë.
Ajo gjithashtu iu bënë thirrje edhe PS-së të bashkohen me nismën e tyre duke zbatuar masat anti-Covid.
“Ne emër të grupit parlamentar të Partisë Demokratike, Komisioni i Ekonomisë, ne i kërkuam prezencën tonë fizike dhe sot ishim të gjithë pjesëmarrës në Komision dhe në mbledhjen më të parë të byros të kryetareve, kjo farsë e mbledhjeve së komisioneve duhet të marrë fund.
Ne sot ishim prezent sepse detyra jonë është të përfaqësojmë qytetarët shqiptarë për çështjet që ne mbulojmë në Komisionin e Ekonomisë, ku është një ndër Komisionet më të rëndësishme të Kuvendit, kështu që ne sot ishim të prerë qe do të ishim këtu. I bëjmë thirrje kolegëve tanë të partisë socialiste, që dhe ata të na bashkohen te nisma që ne kemi marrë. Duke zbatuar të gjitha masat anti-Covid, vaksinimin e deputetëve, testet dhe prezencën me maska.
Një tjetër problem që ne hasëm ishte padukshmëria e anëtareve të komisionit nga ana e Partisë Demokratike, pasi pjesa e ekspozimit ishte vetëm pjesa online, kur ne nuk dukeshim që ishim prezent.”- u shpreh Sorina Koti.
Kurse nënkryetarja e PD, Jorida Tabaku ka kërkuar në emër të opozitës hetim për rritjen e çmimit të bukës e miellit.
Tabaku thotë se brenda 3 javëve duhet thirrur Autoriteti i Konkurrencës në një seancë dëgjimore.
Ajo theksoi se kjo rritje nuk varret nga faktirë të jashtëm, por të brendshëm dhe duhet transparencë se si çmimi i miellit e bukës u rrit brenda ditës.
‘’Të thërrasim në seancë dëgjimore Autoritetin e Konkurrencës. Rritja e çmimit të bukës dhe miellit brenda 1 dite, marrja e një iniciative për hetim në treg pa dalë me konkluzion ng Autoriteti, dhe situata e krijuar na detyron ne si Komision të jemi të përgjegjshëm, pë rata që na kanë votuar, të na prezantojnë çfarë ka ndodhur, situatën, pse është rritur çmimi.
Besoj që janë të gjithë të ndërgjegjshëm që kjo është një situatë që nuk varret nga situatë e jashtme, brenda 3 javëve të thërrasim Autoritetin e Konkurrencës, të hetojmë, dhe të ketë sugjerime, nga operatorët, besoj që deputetët e këtij komisioni kanë nevojë për transparencë.’’- tha Tabaku.
Gjithashtu edhe kryetari i grupit parlamentar të PD, Alfred Rushaj, e cilësoi si antikushtetuese propozimin e mazhorancës për të vijuar mbledhjet e Komisioneve Parlamentare online.
Ai tha se ka qenë një kërkesë e deputetëve të PD, që të kryhej vaksinimi i anëtarëve të Kuvendit, ndërsa theksoi ndër të tjera se në mbledhjen e ardhshme të kryesisë së kryetarëve do të mësohet se si do të zhvillohen sesionet e komisioneve në vazhdim.
“Zhvillime të paligjshme në kundërshtim me rregulloren dhe kushtetutën të komisioneve parlamentare. Përveç përpjekjes që zëri i opozitës të mos dëgjohej, nuk shoh gjë tjetër.
Ne s’jemi kundër vaksinimit. Ka qenë një propozim i zv. kryetarit të parlamentit Enkelejd Alibeaj që ka propozuar që në respekt të çdo protokolli sigurie të zhvillohen këto mbledhje dhe aty përfshihej vaksinimi dhe testi, por kemi gjetur një refuzim të deputetëve të PS në konferencë të kryetarëve për të respektuar rregulloren.”- u shpreh Alfred Rushaj.
Të dy kampet politik në vend kanë perceptime të ndryshme për mënyrën e zhvillimit të Komisioneve, ku qeveria është shprehur se komisionet do mbahen online, ndërsa opozita e ka kundërshtuar këtë vendim.
Debati u zhvillua javë e kaluan në Kuvend ku socialistët kërkuan që mbledhjet të zhvillohen online si vitin e kaluar si masë kufizuese për ndalimin e përhapjes së pandemisë, ndërsa deputetët demokratë kanë bërë të qartë se do të paraqiten fizikisht sepse nëse mbledhjet zhvillohen online, asgjë nuk do ishte e qartë për qytetarët.
