19 Champions League në fushë! Liverpool dhe Real Madrid do të përballen sot mes tyre në Paris prej orës 21:00. “The Reds” nuk e kanë harruar finalen e vitit 2018 dhe motivimi është maksimal për të triumfuar në arenën europiane.
Trajnerët Jurgen Klopp dhe Carlo Ancelotti kanë menduar edhe për formacionet që do të hedhin në fushë në këtë sfidë. Anglezët kanë rikuperuar Fabinho dhe Thiago, të cilët kanë pasur shqetësime të vogla kohët e fundit. Ata janë bashkuar prej pak ditësh me skuadrën dhe pritet ta nisin nga fillimi.
Te Real Madrid rikthehet titullar Alaba, i cili do të marrë vendin e Nacho Fernandes. Mendy do të pozicionohet në të majtë, para kapitenit Marcelo, kurse treshja e mesfushës Kroos-Modric-Casemiro nuk preket, edhe pse Camavinga ka bërë ndeshje të mirë.
Ka një dilemë në sulm. Ancelotti mund ta nisë me Benzema, Vinicius Junior dhe Valverde, me këtë të fundit që do të lërë në stol Rodrygo. Braziliani me shumë mundësi do të përdoret si zëvendësues, për të bërë diferencën kur të duhet.
Liverpool: Alisson; Alexander-Arnold, Konate, Van Dijk, Robertson; Henderson, Fabinho, Thiago; Salah, Mane, Diaz
Real Madrid: Courtois; Carvajal, Militao, Alaba, Mendy; Kroos, Casemiro, Modric; Valverde, Benzema, Vinicius Jr.
Discussion about this post