Një ndër njerëzit që munguan në ceremoni e përvjetorit të “Ditës së Fitores” në Rusi, ishte udhëheqësi i shtabit të përbashkët të ushtrisë, gjenerali Valery Gerasimov.
Parada e këtij viti ishte e para në të cilën nuk u shfaq gjenerali. Ndryshe nga Gerasimov, Ministri i Mbrojtjes Sergei Shoigu, ishte pjesë e paradës së sotme të zhvilluar në Moskë. Kremlini nuk tha asnjë fjalë për mungesën e udhëheqësit ushtarakë.
Sipas burimeve perëndimore, Gerasimov ka udhëtuar personalisht në Ukrainë në fund të muajit prilli, ku do të merrte personalisht komandën operative-taktike të ofensivës ruse në Donbas.
Më 1 maj, burimet ukrainase raportuan se Gerasimov u plagos gjatë sulmit të ukrainasve në postin komandues pranë Izyumit dhe dyshohet se kishte pësuar plagë të rënda.
Në një fjalim me rastin e “Ditës së Fitores” dhe paradës ushtarake në sheshin qendror të Moskës, Putin bëri homazhe për forcat e armatosura ruse në Donbas, duke thënë se atdheu mbrohet atje.
Discussion about this post