Dita e Pavarësisë, shqiptarët në Boston e ndezin atmosferën

Ashtu si çdo vit, shqiptarët e diasporës, kudo ku ndodhen, e ndezin atmosferën në prag të 28 Nëntorit, Ditës së Pavarësisë.

Organizimet më më mëdha ndodhin në SHBA, atje ku komuniteti shqiptar duket se është më i organizuar.

Në Boston festimet kanë nisur që sot (26 nëntor), ndërsa dhjetra shqiptarë, nga fëmijët te të moshuarit, kanë dhuruar spektakël me këngë e valle në sheshin e qytetit.

Organizime të tilla priten në çdo shtet apo qytet ku ka prani shqiptarësh, dhe padyshim Bostoni mbetet një nga vendet ku prej dekadash shqiptarët kanë ndërtuar të ardhmen e tyre.