Dita e sotme me vranësira e mjegull, borë në zonat malore

Për ditën e sotme (16 janar) pritet përmirësimi gradual i kushteve atmosferike mbi vendin tonë.

Moti parashikohet në orët e para të 24-orëshit e deri në mesditë me kthjellime e alternime vranësirash mesatare deri të dendura shoqëruar me reshje shiu të dobëta. Ndërsa në relievet malore reshje dëbore të dobëta. Pas orëve të mesditës mot kryesisht me kthjellime e vranësira kalimtare më të theksuara në relievet kodrinore dhe malore në lindje.

Mjegull e dendur do të jetë prezente në zonat luginore në orët e mëngjesit si dhe ngrica të forta përgjatë akseve rrugore në relievet malore. Era do të fryjë me drejtim verilindje-juglindje me shpejtësi mesatare 14 m/s shoqëruar me valëzimin në dete të forcës 1-2 ballë.

Temperaturat parashikohen:

Në zonat malore -7 deri 3°C;

Në zonat e ulëta -1 deri 13°C;

Dhe në bregdet 5 deri 13°C.