Forcat ruse po bombardojnë fuqishëm Ukrainën në ditën e tretë të luftës. Që në orët e para të mëngjesit janë dëgjuar shpërthime raketash dhe sirenash në të gjithë Ukrainën. Deri më tani, raportohet për më shumë se 200 persona të vdekur dhe 316 të plagosur.
Ministria e Mbrojtjes e Ukrainës tha se që nga ora 3 e mëngjesit, ushtria e saj kishte rrëzuar shtatë avionë rusë, gjashtë helikopterë dhe më shumë se 30 tanke që nga fillimi i pushtimit dhe kishte vrarë afërsisht 800 ushtarë rus.
Ndërkohë që Presidenti ukrainas Volodymyr Zelensky ka mohuar thirrjet për armëpushim duke deklaruar se ata janë në rrugët e Kievit dhe se do të mbrojnë vendin e tyre. Presidenti amerikan Joe Biden nga ana tjetër ka udhëzuar Departamentin e Shtetit që të japë deri në 350 milionë dollarë Ukrainës për ndihmë.
Sipas një postimi në faqen e Forcave të Armatosura të Ukrainës në Facebook, “betejat e rënda po vazhdojnë” në zonën e Vasylkiv të qytetit. Aty është thënë se “lufta aktive” po zhvillohet tashmë në rrugët e kryeqytetit, shkruan BBC.
Discussion about this post