Qytetarët do të bëhen pjesë sot e Pelegrinazhit në Malin e Shenjtë të Tomorrit në Berat. Festa e Shenjtë e Bektashinjve ka filluar që me datë 18 gusht dhe do të vazhdojë deri më 25 gusht, ndërsa dita e sotme është dita kulminante e këtij Pelegrinazhi, ku qarkullimi është bllokuar që prej orës 01.00 të natës.
Mësohet se fluksi është aq i madh saqë deri më tani të paktën 30 policë janë munduar ta zhbllokojnë qarkullimin por pa rezultat. Festa në Malin e Tomorrit nis në datë 20 gusht dhe përfundon në 25, por dita kulminante është e diela, kur pelegrinët kryejnë ritet duke bërë kurban, ndezin qirinj dhe luten.
Gjatë ditëve të pelegrinazhit, në Teqenë e Kulmakut dhe pranë varrit të Abaz Aliut kryhen ritet fetare të festës,ku çdo pelegrin falet për shëndet,mirësi e paqe në familjet e tyre.
Pelegrinazhi në malin e Tomorit që vazhdon për 5 ditë me radhë. Festa e Shenjtë e Bektashinjve organizohet nga 20-25 Gusht dhe mbledh çdo vit ne Teqenë e Kulmakut mijëra pelegrinë nga e gjithë Shqipëria, diaspora e bota. Mali i Tomorit konsiderohet “i shenjtë”, pasi në të prehet shenjtori i familjes së Profetit Muhamed, Abaz Aliu.Besimtarët ngrenë çadrat e tyre në këtë vend të shenjtë duke kryer jo vetëm kurbanin e festës, por duke ngjitur me këmbë edhe majën e Malit të Tomorrit, i cili ndodhet 2416 metra mbi nivelin e detit.
