Në Ditën Ndërkombëtare të Paqes, kryeministri Edi Rama ka shpërndarë një mesazh në Facebook.
Rama shkruan se si një vend anëtare e NATO-s, Shqipëria ka kontribuuar dhe do të vazhdojë të japë kontributin e saj në misione paqeruajtëse anembanë globit, në rritjen e bashkëpunimit, sigurisë e tolerancës.
Kryeministri në fund të mesazhit të tij, shprehet se kjo ditë na kujton se ka më shumë gjëra që na bashkojnë sesa ato që mund të na ndajnë.
Në Ditën Ndërkombëtare të Paqes, reagoi edhe kryeparlamentarja Lindita Nikolla, e cila theksoi se sot Shqipëria është bërë një kontribuese e spikatur e paqes dhe vazhdon të kontribuojë në rritjen e bashkëpunimit, sigurisë, tolerancës e mirëkuptimit në rajon e më gjerë.
