Në ditën ndërkombëtare kundër Korrupsionit, Ambasada e SHBA në Tiranë ka dalë më një mesazh ku thekson se korrupsioni kërcënon demokracinë, ndërsa shton se qeveritë duhet t’i përmbahen angazhimeve për të luftuar korrupsionin.
Përmes një postimi në Facebook, ambasada i drejtohet në mënyrë indirekte ish-kryeministrit Berisha kur thotë se lufta ndaj korrupsionit kërkon më shumë se fjalë dhe SHBA janë të “përkushtuar për të mbajtur përgjegjës aktorët e korruptuar”
“Korrupsioni kërcënon sigurinë, barazinë ekonomike, minon sundimin e ligjit dhe zbeh besimin e publikut në institucionet qeveritare. Korrupsioni kërcënon të drejtat politike dhe liritë civile në nivel global dhe çon në gërryerjen e demokracisë dhe të drejtave të njeriut. Lufta kundër korrupsionit kërkon më shumë se fjalë, prandaj Shtetet e Bashkuara janë donatori më i madh në botë për mekanizmat kryesorë kundër korrupsionit, për të siguruar që vendet të përmbushin detyrimet e tyre. Në Ditën Ndërkombëtare Kundër Korrupsionit, Shtetet e Bashkuara konfirmojnë përkushtimin tonë për t’i mbajtur përgjegjës aktorët e korruptuar. Ne u bëjmë thirrje të gjitha vendeve që t’u përmbahen angazhimeve të tyre për të luftuar korrupsionin”, shkruan ambasada.
Në kudër të Ditës Ndërkombëtare kundër Korrupsionit, SHAB ka paralajmëruar se do të njoftojë masa të reja ndaj personave që konsideruar si të padëshiruar atje.
Discussion about this post