Partia Demokratike ka reaguar pas akuzave të ish-kryeministrit Sali Berisha, duke e konsideruar si burracak që kërkon të fshihet pas Ilir Metës.
Përmes një njoftimit zyrtar, PD shkruan se demokratët po e kuptojnë që ai po i poshtëron duke bërë aleanca me kundërshtarët e tyre, ndërsa ai përmend Aqif Rakipin, Tom Doshin dhe e akuzon se po bashkëpunon me to.
“Gënjeshtrat ordinere të non grates, vazhdojnë. Por demokratët e kanë kuptuar se ti ke hallin tënd dhe të familjes tënde. Demokratët e dinë, se ti si burracak, kërkon të fshihesh dhe ti përdorësh ata përballë non grates tënde me partinë e re që bëre me Ilir Metën. Demokratët e shohin se si po i poshtëron çdo ditë, duke bërë aleanca me kundershtarët më të mëdhenj të tyre. Pse nuk e përmend Qifen, po ke vënë njerëzit e tij në krye, në Rrogozhinë e Vorë? Pse nuk thua asnjë fjalë për lidhjet e Dakos me krimin, por i ke çuar njerëz të negociojnë me të? Pse nuk thua një fjalë për Tom Doshin, apo ngaqë njerëzit e tij drejtojnë “shtëpinë e Ilirit” në Shkodër? Njësoj siç bëre në Parlament ku mbushe dynjanë se do votoje kundër, dhe pastaj ike si frikacak, ashtu sillesh dhe sot duke amnistuar kriminelët që kanë punuar kundër demokratëve”, shkruan PD.
Discussion about this post