Ngjarja e rëndë ka ndodhur pasditen e së dielës, për shkak të motit të keq. Të gjithë njerëzit në bord përfunduan në ujë, shumë u shpëtuan duke notuar, por fatkeqësisht katër prej tyre humbën jetën.
Një skaf u përmbys në liqenin Maggiore , në brigjet e Lisanza (Varese), për shkak të motit të keq.
Tragjedia ndodhi të dielën rreth orës 19:30. Katër persona u mbytën, ndërsa 20 persona të tjerë u shpëtuan. Një nga viktimat është një 53-vjeçar. Në vendngjarje kanë shkuar 10 autoambulanca, një helikopter dhe tre mjete mjekësore, si dhe karabinierët e Gallarate, roja bregdetare dhe zjarrfikësja e Vareses.
Sipas dëshmive, po festohej një ditëlindje në bordin e skafit 16 metra të gjatë, i cili u përmbys nga një stuhi e dallgëve. Të gjithë pasagjerët ishin një grup të huajsh që festonin ditëlindjen si dhe dy anëtarë të ekuipazhit.
Tre persona janë shtruar në spital në gjendje të rëndë, dhe dy të tjerë jashtë rrezikut për jetën, ndërsa të tjerët janë ekzaminuar por nuk është kërkuar shtrimi.
“Po ndjek me shqetësim përditësimet e ekipeve të shpëtimit në vend, të cilat i falënderoj”, – deklaroi presidenti i Rajonit të Lombardisë, Attilio Fontana.
Discussion about this post