Covid-19, rriten infektimet në Kosovë, asnjë humbje jete në 24 orët e fundit

Ditën e sotme Kosova ka regjistruar një numër në rritje të infektimeve me Covid-19. Gjatë kësaj 24 orëve të fundit janë raportuar edhe  9 raste të reja të infektuara me këtë virus. Ndërsa, gjatë ditës së djeshme u raportuan 3 raste. Sakaq, bëhet me dije se sot janë shëruar 6 qytetarë, ndërkohë  numri i përgjithshëm i të shëruarve është 157.971.

Sakaq, Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se në 24 orët e fundit janë dhënë 2.096 doza të vaksinës kundër COVID-19. Ndërkohë, prej fillimit të vaksinimit në të gjitha qytetet e Kosovës janë dhënë 1.656.937 doza të vaksinës. “Deri më sot 777.730 qytetarë janë vaksinuar me dozën e dytë. Gjatë 24 orëve të fundit, nuk është shënuar asnjë rast i vdekjes. Në total numri i rasteve aktive është 314”, raporton ministria, ndërsa thekson se situata është në kontroll.