Historitë dhe vuajtjet në ish-burgun famëkeq të Spaçit në Mirditë, janë prezantuar përmes një ekspozite të titulluar “Fraktura”, me autor ish-të burgosurin politik Fatos Lubonja dhe artistin Ardian Isufi.
Brenda rrënojave të burgut, janë ekspozuar artefakte, instilacione, kujtime, sende, dokumente, por dhe rrëfime të cilat tregojnë historinë e një institucioni që de jure ka pasur detyrën kryesore të administrojë vuajtjen e të burgosurve, por de fakto ka realizuar izolimin e plotë dhe tentuar asgjësimin e njeriut.
Kjo ekspozitë u hap në kuadër të ditëve të kujtesës me mbështetjen e fondacionit gjerman Konrad Adenaider, përfaqësues të së cilit u shprehen se nuk duhet harruar e kaluara e erret në Shqipëri dhe duhet t’ju përcillet brezave.
Fatos Lubonja, një ish-i dënuar politik gjatë regjimit komunist, u shpreh se kujtesa është shumë e rëndësishme për vendin. Ndërsa Përfaqësues të fondacionit ‘Konrad Adenauer’ propozuan që ky burg të kthehet në muze.
Ish- të dënuar politikë, aktivist të shoqërisë civile, si dhe drejtuesi i fondacionit Konrad Adenauer Stiftung, vizituan qelitë e burgut famëkeq, ku shumë intelektual shqiptarë vuajtën dënime çnjerëzore deri në humbje jete për shkak të mendimit ndryshe.
Drejtuesi i Fondacionit ‘Konrad Adenauer Shtifgung’, Tobias Tuttershoff, u shpreh se Spaçi do të ishte një muze ideal për krimet e komunizmit.
Spaçi ngelet ndër emblemat e mizorisë së diktaturës komuniste shqiptare, por edhe të Qëndresës ndaj saj.
Discussion about this post