Dafina Zeqiri dhe Genc Halimi, ose i njohur si Dj Geek janë ndër çiftet më të preferuar të shoëbizit shqiptar. Dyshja përpos partnerë në jetë, janë edhe bashkëpunëtorë në skenë.
Ditën djeshme Dj Geek festoi 30- vjetorin e lindjes, ku nuk mungoi dhe urimi i ëmbël nga ana e këngëtares për partnerin e saj.
“Gëzuar ditëlindjen dashuria e jetës sime. Dj dhe shoku im i ngushtë,”-shkroi Dafina krahas disa fotove romantike në Instagramin e saj.
Mirëpo nuk ka mbaruar këtu, përveç urimit të ëmbël, Dafi i ka bërë dhe një dhuratë goxha luksoze Dj. Këtë gjë e ka zbuluar vetë muzikanti nëpërmjet një videoje në InstaStory.
Këngëtarja i ka dhuruar partnerit të saj një “chain” (varëse në formë zinxhiri) floriri dhe me gura të shndërritshëm. Në video duket Dafina, e cila i vendos varësen partnerit të saj ku më pas shkëmbejnë dhe një puthje bashkë.
“Të dua o shpirt @dafinazeqiri”, shkroi Dj krahas videos ndërsa Dafina e ripostoi duke iu përgjigjur: ‘Të dua më shumë!!’.
Kujtojmë se Dafina dhe Dj Geek konfirmuan romancën e tyre në fillim të 2020. Për muaj me radhë ata u vendosën në qendër të vëmendjes, për lidhjen e papritur të dashurisë dhe ndarjen po aq të shpejtë të tyre.
Vetëm disa muaj nga lidhja e tyre, Dafina deklaroi se kishin vendosur të ndahen. Këngëtarja tregoi se i ishte dashur të zgjidhte mes lidhjes me të dhe karrierës, ndaj vendimi më i mirë i momentit sipas Dafinës ishte të zgjidhte karrierën.
Ndonëse të ndarë ata vijuan të shoqërohen me njëri-tjetrin dhe të punonin si më parë duke u shfaqur kudo bashkë. Në fund të 2021, Dafina dhe Geek konfirmuan rikthimin me njëri-tjetrin dhe që atëherë janë shfaqur shumë të lumtur dhe të dashuruar.
Discussion about this post