Një ngjarje e rëndë ka ndodhur mesditën e sotme në lagjen “16 prilli” në Fier, ku u vra me armë zjarri 41-vjeçari, Elton Javori.
Në një prononcim për mediat, fqinji i tij është shprehur se ai ka qenë një djalë i qetë dhe i mrekullueshëm, shumë i dashur dhe i respektuar.
Ai po ashtu tregon se 41-vjeçari jetonte me familjen e tij, ndërsa vëllezërit e tij jetojnë në Gjermani.
“Unë jam rritur me të dhe farefisin e tyre. Ky djalë ka qenë i mrekullueshëm, familje e mrekullueshme, se nga i erdhi kjo nuk e di.
Sa u futa të pija kafe, dolëm vrap. Ai jetonte me familjen, vëllezërit i ka në Gjermani” shprehet fqinji.
Policia ka mundur të identifikojë autorin dhe po punon për kapjen e tij.
Discussion about this post