Një vajzë…apo sherri me djalin e një “të forti”? Ende nuk dihet shkaku i vërtetë i vrasjes së 19-vjeçarit Stiven Toshkësi disa javë më parë në Tiranë. Zbardhen detaje të tjera tronditëse nga hetimet lidhur me vrasjen e 19-vjeçarit që tronditi kryeqytetin, për të cilin në pranga kanë përfunduar dy 18-vjeçarët Ensi Maze dhe Aksel Hoxhaj.
Deri tani është raportuar se e gjithë ngjarja ka ndodhur sepse Aksel Hoxhaj i kishte ngacmuar të dashurën Toshkësit, por A2CNN raporton se konflikti për një vajzë ka nisur me një person tjetër dhe jo me dy 18-vjeçarët e arrestuar.
Toshkësi konfliktin e ka pasur me shtetasin Arbër Murataj 18-vjeç, djali i famëkeqit Admir Murataj, i cili mbeti i vrarë në grabitjen e Rinasit në prill të vitit 2019, ku qëlloi me armë drejt policisë.
Sipas burimeve policore dhe nga grupi hetimor, Arbër Murataj rreth dy muaj më parë ka marrë në telefon Toshkësin për t’u sqaruar.
Për të shuar gjakrat, të dy janë takuar në Rrugën e Elbasanit, pranë shkollës së Baletit, por aty viktima është qëlluar për herë të parë me hanxhar.
Megjithatë ata janë takuar në rrugën e Elbasanit pranë shkollës së Baletit, ku kishin lënë edhe takimin për t’u sqaruar. Por, në momentin që Toshkësi shkoi në takim, ai është qëlluar me hanxhar nga 18-vjeçari Arbëri Murataj.
Toshkesi ka arritur të mbrohet dhe të plagoset lehtë në bark dhe është larguar nga vendi i ngjarjes, por nuk ka bërë denoncim në polici pasi është kërcënuar me jetë nga Murataj. 2 muaj më vonë, më 18 prill ai u vra për vdekje po me hanxhar, nga Aksel Hoxhaj, i cili rezulton të ketë lidhje të afërt familjare me Arbëri Muratajn, ndërsa Maze ndodhej po ashtu në vendin e ngjarjes dhe mbajti brenda mjetit shokun e viktimës, në mënyrë që të mos e ndihmonte.
Për dy 18-vjeçarët gjykata dha masën “arrest në burg”, gjithashtu ka marrë në pyetje edhe vajzën, ku ka treguar edhe arsyet e konfliktit, por ende Prokuroria nuk ka arritur në një përfundim.
Discussion about this post