Zbardhen detaje të reja në lidhje me ngjarjen e rëndë të ndodhur mesditën e sotme në Vlorë, ku mbeti i vdekur Armando Meshahu, inxhinier-ndërtues, pasi u qëllua për vdekje nga një i ri.
Autori i vrasjes më grushte të ndërtuesit Armando Meshahu, është Rei Meta, djali i Nurihan Metës, anëtares së Këshillit të Lartë të Prokurorisë.
Armando Meshau mbeti i vdekur pas grushteve nga 33-vjeçari Rei Meta, banues në Tiranë. Ky i fundit u arrestua nga policia disa orë pas ngjarjes. 33-vjeçari Rei Meta është i punësuar si doganier.
Nëna e tij, Nurihane Meta votoi kundër Altin Dumanit, i cili sot mban postin e kreut të SPAK. Vota e saj shkoi për kandidatin tjetër në garën për kreun e SPAK, Edvin Kondilin.
Si ndodhi ngjarja në Vlorë
Një borxh i pashlyer dyshohet se është shkaku i sherrit mes dy personave që mesditën e 7 gushtit 2023, përfundoi me një viktimë në qytetin e Vlorës.
Armando Meshau, 55 vjeç, me profesion inxhinier, vdiq nga goditjet e me grushte të agresorit. Ngjarja e rëndë ka ndodhur në ambientet e një qendre interneti në lagjen “Hajro Çakërri” rreth orës 11:45.
Dyshohet se një grusht në zemër ka qenë goditja fatale për jetën e inxhinierit.
Gati 4 orë më pas, rreth orës 15:45 policia e qytetit njoftoi se kishte arrestuar autorin e dyshuar, Rei Meta. 33 vjeçari banues në Tiranë u shoqërua në ambientet e Policisë, për kryerjen e veprimeve të mëtejshme procedural.
Discussion about this post