Djali i Biden përballet me aktakuzën e dytë, për çfarë bëhet fjalë

Prokurorët federalë kanë ngritur akuza tatimore kundër Hunter Biden, një çështje e dytë penale kundër djalit të presidentit amerikan.

Aktakuza me nëntë pika thotë se ai planifikoi të shmangte të paktën 1.4 milion dollarë në taksat federale nga viti 2016 ne vitin 2019.

Tri veprat penale dhe gjashtë kundërvajtjet përfshijnë mosdeklarimin dhe pagesën e taksave, deklarimin e rremë tatimor etj. Hunter Biden u padit në shtator për akuzat federale për armëmbajtje zjarri në Delaware.

Djali 53-vjeçar i presidentit Joe Biden është deklaruar tashmë i pafajshëm në rastin e armëmbajtjes.
Shtëpia e Bardhë nuk komentoi mbi akuzat e reja të enjten mbrëma.

Ajo vjen pasi republikanët e Kongresit vendosin marrëdhëniet e biznesit të Hunter Biden në qendër të një hetimi për shkarkimin e Presidentit Biden, i cili po kërkon rizgjedhjen vitin e ardhshëm. Nëse shpallet fajtor për çështjen tatimore, Hunter Biden mund të përballet me 17 vjet burg.

Këshilltari Special i Departamentit të Drejtësisë të SHBA-së, David Weiss, e ka hetuar Hunter Biden, avokatin e shkolluar në Yale dhe I cili është trajtuar nga problemet me kokainen që nga viti 2019.

Në një aktakuzë prej 56 faqesh të ngritur në Kaliforni, prokurorët pretendojnë se ai i shpenzoi paratë e tij për “drogë, eskorta, hotele luksoze dhe prona me qira, makina ekzotike, veshje dhe sende të tjera të natyrës personale, me pak fjalë, gjithçka përveç taksave të tij.”

Ata thonë se djali i presidentit “individualisht ka marrë më shumë se 7 milionë dollarë në total të ardhura bruto” midis 2016 dhe 2020, por “dështoi me dashje të paguajë taksat e tij të 2016, 2017, 2018 dhe 2019 në kohë, pavarësisht se kishte akses në fonde për të paguar disa ose të gjitha këto taksa”.