Gazetari Basir Çollaku, ka postuar në rrjetet sociale një njoftim të policisë në të cilin thuhet se djali i ish-deputetit socialist, Dashamir Peza është arrestuar disa ditë më parë, pasi është kapur me drogë me vete. Në njoftim sqarohet se djalit të ish-deputetit i është gjetur disa gramë gram kanabis, heroinë dhe ekstazi, gjatë një kontrolli fizik nga blutë. Ngjarja ka ndodhur më 2 Qershor.
“Më datë 02.06.2022, ora 16:46, u bë arrestimi në flagrancë i shtetasit Gëzim Dashamit Peza, pasi në orën 13:15 në Shëngjin, Lezhë, gjatë kontrollit fizik i janë gjetur se sekuestruar 2.77 gram Canabis Sattiva, 2.27 gram heroinë, 20.16 gram ekstazi”, thuhet në njoftim. Referuar të njëjtit burim, ndaj Gëzim Pezës rëndon akuza e parashikuar nga Neni 281/1 e Kodit Penal – “Trafikimi i narkotikëve”.
Në komentin e tij në FB, gazetari ironizon duke u shprehur se marrja me drogë është kthyer në normë partie.
“Arrestohet djali i deputetit me tre lloj drogerash.. Me sa duket eshte bere norme partie. Nëse nuk merresh me hashash, heroinë e të tjera drogëra serioze partiake, nuk hyn në udhëheqjen e ekipit të Edi Ramës. Policia ka ndaluar por jo shumëzhurmuar djalin e deputetit Peza. Pak nga të gjitha, Canabis, Heroinë, Ekstazi, sepse në plazh duhet pak bereqet me vete..” – shkruan Çollaku.
Discussion about this post