Djali i komisionerit të “Bashkë Fitojmë” qëlloi makinën e ish-deputetit socialist

Detaje të reja mësohen nga të shtënat në Fushë Kuqe pasditen e së mërkurës.

Mësohet se një person ka qëlluar në drejtim të ish-deputetit socialist Armando Prenga në Kurbin. Po ashtu, bëhet e ditur se drejt tij dyshohet se ka qëlluar, djali i një komisioneri të koalicionit “Bashkë Fitojmë” në KZAZ 15, Kurbin, Fatbardh Ismaili.

Si pasojë e të shtënave nuk ka të lënduar.

Dy ditë më parë, Ismaili akuzoi përfaqësuesit e PS-së se po u bënin presion komisionerëve.

Për rastin, denoncimin e në polici e ka bërë ish-deputeti Prenga. Ndërkohë, Ismaili është shpallur në kërkim bashkë me automjetin tip “Benz” me të cilin është larguar.