Pas një fundjave plot aktivitet ku ishte pjesëmarrës ndeshjen e lamtumirës të Maxi Rodríguez në Rosario dhe homazhin e Juan Román Riquelme në “La Bombonera” të La Bocas, Lionel Messi dhe familja e tij shkuan me pushime.
Ish-futbollisti i PSG, donte ta mbante sekret vendin ku do të pushonte, në mënyrë që të shijonte disa ditë paqe, pa vëmendjen e kamerave dhe fansave.
Dhe destinacioni i zgjedhur ishte vërtet i panjohur, derisa Kristian Shevchenko, djali i Andriy Shevchenkos, ish-futbollistit të madh ukrainas, legjendë e Dinamos së Kievit dhe Milanit, ngarkoi në rrjetet e tij sociale një foto me Leos në një plazh ekzotik me detin në sfond dhe vendndodhjen e dhënë në post, Bahamas.
Pak orë më vonë, Lionel Messi postoi në llogarinë e tij zyrtare në Instagram, ku ndiqet nga më shumë se 476 milionë njerëz, një foto të tij dhe gruas së tij, Antonela Roccuzzo, të përqafuar në një plazh gjatë natës me palma në sfond. Ai nuk shkroi asnjë përshkrim dhe shmangu postimin e vendndodhjes, por tashmë ai ishte zbuluar.
Nuk është hera e parë që familja Messi zgjedhin të pushojnë në këtë zonë, ata kanë vizituar Antigua dhe Barbuda në vitin 2019.
Megjithatë, këtë herë nga Bahamas, mbajtësi i shtatë “Topave të Artë” do të shkojë direkt në Florida, për të nisur stërvitjet me klubin e ri të tij, Inter Miami, sepse më 5 korrik duhet të paraqitet në stërvitje.
Discussion about this post