Klevis Balliu, shef i Organizimit në Partinë Demokratike, ka reaguar në lidhje me skandalin te institucioni Tatimeve, ku Ceno Klosi ka punësur në këshill miq dhe të afërm politikanësh. Referuar të dhënave të publikuara se djali i tezes i zv.kryeministres dhe ministres së Energjisë e Infrastrukturës, Belinda Balluku, është punësuar si këshilltar i drejtorit të Përgjithshëm të Tatimeve Ceno Klosi, Balliu shprehet se këto detaje tregojnë që kjo qeveri nuk i ka vendet e punës për shqiptarët, të cilët masivisht po largohen nga vendi, por për familjarët e qeveritarëve apo patronazhistët.
“Djali i tezes së Ballukut këshilltar i Canos tek Tatimet. Vendet e punës qartazi janë vetëm për familjarët ose patronazhistët ndërsa për shqiptarët nuk ka vende pune. Shqiptarët po largohen sepse qeveria dhe zyrtarët e saj kanë marrë peng shtetin për ti shërbyer interesave të tyre personale dhe familjare”, shpreh ai. Ndërsa sot janë publikuar të tjera skandale për skemën kundër ligjit që Ceno Klosi rekruton punonjësit.
Discussion about this post