Në një postim të bërë në rrjetet e tij sociale, djali i ish-presidentit Hashim Thaçi, Endrit Thaçi, ka shpërndarë një fotografi me babain e tij ku i ka dedikuar një shkrim. Endriti feston 23 vjetorin e lindjes, teksa është shprehur i përmalluar me mungesën fizike të babait të tij në festën e ditëlindjes. Endriti ka shkruar se njëjtë sikur në ditën e lindjes edhe në 23-vjetorin e ditëlindjes nuk e ka të atin afër.
“Në ditën kur linda ishte kohë lufte, babin nuk e kisha afër. Ishte në zjarrin e luftës për liri. Sot në ditëlindjen time të 23-të, është kohë lirie, por atë sërish nuk e kam afër. Tani është në mbrojtje të luftës, që me përkrahjen e aleatëve, na solli lirinë. Jam shumë i lumtur që sapo ia dëgjova zërin dhe mora urimin prej tij. Më mungon shumë babi, por krenohem me ty”– ka shkruar ai.
Hashim Thaçi, Kadri Veseli, Jakup Krasniqi, Rexhep Selimi, Salih Mustafa, Nasim Haradainaj dhe Hyni Gucati, të cilët po mbahen në qendrën e paraburgimit të Gjykatës Speciale në Hagë kanë aplikuar për të votuar në zgjedhjet lokale që do të mbahen këtë të diele.
Discussion about this post