Ditën e sotme familja Kashiku ka përcjellë për në banesën e fundit 19-vjeçarin, i cili humbi jetën dje në një veprim heroik. Gjatë vizitës që kryeministri Edi Rama bëri në familjen e 19-vjeçarit, Anri Kashiku në Durrës, babai i këtij të fundit na ka prekur të gjithë me fjalët, ndërsa ka treguar pak nga ëndrrat e të birit. Ai u shpreh se pavarësisht se dhimbja kurrë nuk do kalonte dhe se ndihej krenar për djalin e tij.
Sakaq, ai tha se do t’i mbetet pengë në zemër që i biri nuk mund as ta nisë planin që kishte. Babai i 19- vjeçarit zbuloi gjithashtu se i biri i kishte dhënë premtimin se pas vitit të ri do të dilte në skuadër të madhe futbolli pasi i riu stërvitej vazhdimisht dhe ishte pjesë e ekipeve u-19.
“Jam krenar për të, por dhimbja nuk kalon, për ne është e vështirë të pranohet. Do të më mbetet pikë në zemër sa të kem jetë që Anri nuk mundi të realizojë ëndrrën që kishte. Më pati thënë, babi pas vitit të ri të futem në një skuadër më të madhe futbolli dhe të sigurojë që do t’ia dal”, ka treguar babai mes lotësh. Ndërsa kujtojmë se, Anri humbi jetën teksa u mundua të shpëtonte dy të mitur që rrezikonin të mbyteshin.
Discussion about this post