Një ngjarje e rëndë është shënuar një ditë më parë në Gjilan. Policia ka njoftuar se rreth orës 15:00, një person është paraqitur në spital për të marrë trajtim mjekësor. Dyshohet se ai ka qenë duke pastruar armën (pushkë ajrore), teksa nga pakujdesia fëmija ka shkrepur armën, duke qëlluar babain e tij.
Raportohet se arma me të cilën u krye dhe plagosja, mbahej pa leje në banesë. Arma është sekuestruar ndërsa me vendim të prokurorit, rasti vazhdon në procedurë të rregullt.
“Fsh. Livoq i Ultë, Gjilan 26.11.2021-15:00. I dyshuari mashkull kosovar ka pranuar trajtim mjekësor pasi që i njëjti derisa ka qenë duke e pastruar armën (pushkë ajrore, nuk posedon leje), nga pakujdesia dyshohet se fëmija i tij e ka shkrepur armën dhe ka qëlluar atë.”, thuhet në njoftim.
Discussion about this post