Avokati Genc Gjokutaj flet mbi publikimin e dokumentit që lidh Belinda Ballukun me aferën 190 milionë euro për Tunelin e Llogarasë, një dokument që implikon drejtpërdrejt Edi Ramën.
Ai theksoi se SPAK sot i ka dalë përfundimisht pronarit dhe dokumenti provon bashkëpunimin mes kryeministrit dhe zëvendëskryeministres. Sipas Gjokutaj, ky tender nuk ka qenë një procedurë normale: kompania shqiptare fituese u detyrua të kalonte punën te një nënkontraktor turk, i cili më pas ia ktheu kompanisë shqiptare me 50 milionë euro më shumë.
Ai nënvizoi se dispozita e përdorur nga SPAK për të marrë të pandehur Ballukun është e papërshtatshme dhe nuk reflekton drejtësinë, pasi nuk e përfshin përgjegjësinë reale të kryeministrit dhe Ballukut duke mos pasqyruar aferën korruptive që dokumenti zbulon. Gjokutaj përfundoi duke theksuar se, në të vërtetë, kjo është një çështje e lidhur me korrupsionin politik dhe nuk mund të trajtohet si shkelje e thjeshtë procedure tenderimi.
Pjesë nga deklarata:
Sot, përfundimisht, SPAK i doli pronarit. Në krye të herës, kjo shkrese vërteton që Rama është në bashkëpunim me Ballukun dhe personin që ka firmosur në fund. Një letër e vitit 2022 është firmosur në 2025. Kjo është e para e e dyta. Ky tender nuk ka qenë një procedure normale tenderimi; gjatë rrugës ai është ndryshuar, e ka fituar kompania Gjoka dhe më pas i është dhënë kompanisë turke, e cila më pas ja ka dhënë me nënkontraktore Gjokës, por me 50 milionë euro më shumë.
Kjo është një nga veprimet më ordinere, më pa princip. Kur një subjekt shqiptar fiton tenderin dhe kalon nga fitues në nënkontraktues, merr po ato lekë, por 150 milion për të bërë qoka.
Ajo që qëndron në këtë rast, dispozita në të cilën sot këta kanë marrë të pandehur Belinda Ballukun, është dispozita e nenit 258 të Kodit Penal, por nuk e kanë vendosur paragrafën. Për shuma mbi 800 mijë lekë, kjo parashikon 1-5 vjet.
Por, sipas komenteve dhe praktikës ligjore, asnjëherë ministria nuk është personi që sheh barazinë në tendera, kjo është dispozitë për komisionin e verifikimit të ofertave, dhe gjithmonë për këtë akuzë janë marrë kryetarët e komisionit të verifikimit, të specializuar për tenderime. Këta kanë vendosur këtë dispozitë që nuk ka lidhje me pasurinë, plus i kanë shtuar një akuzë që nuk i përket këtij subjekti, që mund të çojë në pafajësi në gjykatë.
Ministrja, minimum, ka shkelur detyrën, por fjala e fundit, siç shpjegova, është se si ka evoluar puna e tenderit kjo është një aferë korruptive dhe ajo duhet të akuzohet për korrupsion. Nuk mund të akuzosh ministrin për shkelje të barazisë në tendera.
SPAK sot e ka mbyllur, përfundimisht, kapitullin e të qenit organ ligjor, dhe çdo dokument që ka dalë sot vërteton bashkëpunimin e Ramës me Ballukun.
Discussion about this post