Djaloshi gjeni: Jam nga Marsi, por rilinda në tokë për t’ju shpëtuar nga apokalipsi

Boriska Kipriyanovich, 11 vjeç, nga Volgogradi në Rusi, me njohurit e tij gjeniale ka habitur së fundmi profesorët dhe shkencëtarët nëpër botë me inteligjencën thuajse jashtëtokësore, teksa thotë se është nga planeti Mars dhe se ka rilindur në tokë, pasi planeti i tij u shkatërrua nga lufta mes dy lloje qeniesh.

Boriska ishte vetëm kur dha paralajmërimin e tij për tokën, në një video që u bë shpejt virale në vitin 2017, shkruan “The Sun”.

Ai pretendon se specia e tij është shfarosur nga një konflikt bërthamor mijëra vjet më parë dhe trembet se edhe planeti ynë do të ketë të njëjtin fat. “Shkencëtari” i vogël paralajmëron se edhe toka do të ketë të njëjtin fat si njerëzit e tij prandaj thotë se është këtu me një mision për të shpëtuar njerëzimin.

Megjithëse thotë se kishte pak të mbijetuar, ata që ekzistojnë po ndërtojnë vendbanime të mbrojtura dhe armë të reja. Djali shton se është rilindur në tokë bashkë me “të tjerë” që mrekullisht i mbijetuan konfliktit dhe tani duan të shpëtojnë racën njerëzore nga i njëjti fat.

Sipas Boriska – shumë marsianë janë të pavdekshëm dhe ndalojnë plakjen në moshën 35 vjeçare. Ata janë shumë të gjatë e kanë teknologji të avancuara dhe mund të bëjnë udhëtime të largëta hapësinore.

Djali thotë: “Mbaj mend kur kam qenë 14 ose 15 vjeç. Marsianët luftonin gjithë kohës me njëri-tjetrin, edhe unë kam marrë pjesë në sulme ajrore me një shokun tim”.

“Ne mund të lundronim në kohë e në hapësirë me anije të rrumbullakëta, ndërsa vinim për të mbikëqyrur jetën në tokë me anije trekëndëshe. Anijet hapësinore marsiane janë të komplikuara.”

Boriska thotë se ai the speciet e tjera masiane merrnin frymë me dyoksid karboni dhe kur vizitonin tokën merrnin ca me vete.

Madje ai shton se “sekreti për të gjithë jetën njerëzor mund të zbulohet nga brenda Sfinksit të Madh në Egjipt”, pasi ka fluturuar aty gjatë jetës së tij të mëparshme.

“Jeta njerëzore do të ndryshojë kur të hapet Sfinksi, ka një mekanizëm hapjeje diku afër veshit, nuk më kujtohet mirë”.

Nëna e Boriska thotë se dinte se ishte një fëmijë i veçantë pasi ai mund të mbante kokën ngritur pa mbështetje kur ishte vetëm dy javësh.

Doktorët thonë se ai nisi të flasë vetëm disa muaj pas lindjes dhe kur ishte një vjeç e gjysmë mund të lexonte, vizatonte e pikturonte.

Prindërit e tij insistojnë se asnjë herë nuk i kanë mësuar gjëra për planetët edhe pse shpesh flet për Marsin, civilizimet aliene apo mrekulli të tjera të hapësirës.