Ditën e djeshme janë liruar nga burgu rreth 780 persona pasi përfituan nga aministia penale. Por sa është risku që këta persona të kryejnë të njëjtën vepër penale.
Në një intervist për mediat psikologia e gjykatës së Elbasanit, Eriona Hoxha tregon rastin e një ish të burgosuri që ishte dënuar për dhunë në familje, dhe dje pas lirimit shkoi dhunoi përsëri familjen.
“Ndoshta sot në mëngjes disa familje mund të jenë zgjuar të lumtura por disa janë zgjuar me lot në sy. Jo me larg se dje një individ që ka dalë nga burgu i Elbasanit ka bërë sërish të njëjtën vepër penale, dhunë në familje, ishte dënuar disa herë për dhunë në familje. Ajo që unë gjithmonë mendoj për pjesën e burgut është pjesa e rehabilitimit, se sa realisht punohet. Duhet parë edhe mundësia e integrimit të këtyre individëve jashtë, sa merren me këtë pjesë autoritetet brenda burgut. Nëse të del dikush 30-35 vjeç duhet t’i ofrohet ndihmë psikologjike dhe ekonomike, nuk e di sa forcohen këta individë për tregun jashtë”, tha psikologia.
Ndër të tjera Hoxha vë theksin që personat në burg nuk duhet të kryejnë veç dënimin por dhe të rehabilitohen.
Discussion about this post