Një ditë pasi u zhvendos drejt burgut të Fierit ku do të vuajë dënimin prej 3 vite e 4 muajsh burg, ish-ministri i Brendshëm Saimir Tahiri, do të duhet të qëndrojë për 14 ditë i karantinuar. Për shkak të rregullave të reja të vendosura prej pandemisë, Tahiri duhet të kalojë 14 ditë në karantinë para se të çohet në qeli, si masë paraprakë për të mbrojtur të burgosurit e tjerë nga ndonjë infektim i mundshëm.
Rregulli i ri është që çdokush që futet në burg gjatë kësaj periudhe, duhet që të qëndrojë 10 ditë deri në 2 javë i karantinuar në një ambient të institucionit para se të kalojë në qeli.
Tahiri është në gjendje të mirë shëndetësore dhe nuk ka probleme me koronavirusin, megjithatë do t’i duhet të qëndrojë në një dhomë pa të burgosur të tjerë, deri në momentin e përfundimit të karantinës.
Discussion about this post