Policia e Kurbinit ka dalë me njoftim zyrtar për djegien e një mjeti gomone që dyshohet se transportonte drogë, dhe u ndoq për disa orë nga Guardia di Finanza.
Policia thotë se nuk është konstatuar asnjë person apo send i kundërligjshëm, pas krehjes së zonës. Gomonia u pikas dje fillimisht në afërsi të Vlorës, dhe dyshohet se ishte mbushur me drogë në Greqi.
Njoftimi i policisë:
Më datë 20.07.2022, rreth orën 05:30, në derdhje të hidrovorit të Adriatikut, në breg të detit, në Godull, Kurbin, është konstatuar nga shërbimet e Policisë, një mjet lundrues, duke u djegur.
Shërbimet e Policisë vijojnë krehjen e zonës. Deri tani nuk është konstatuar asnjë person apo send i kundërligjshëm.
Grupi hetimor vazhdon hetimet për sqarimin e rrethanave të ngjarjes.
Discussion about this post