Djegia e Kuranit në Suedi e Danimarkë, Borrell: Fyese dhe provokuese

në Botë, Lajme

Kohë leximi: 1 min

Përdhosja e Kuranit apo e ndonjë libri tjetër që konsiderohet i shenjtë është fyese, mosrespektim dhe një provokim i qartë. Shprehjet e racizmit, ksenofobisë dhe intolerancës që rezulton nuk kanë vend në Bashkimin Evropian”, thekson në një deklaratë me shkrim, Përfaqësuesi i Lartë Josep Borrell pas djegies së Kuranit në Suedi dhe Danimarkë.

Ai thekson se “pas veprimeve të fundit të individëve në Evropë që ofenduan ndjenjat fetare të shumë muslimanëve, BE-ja përsërit refuzimin e saj të fortë dhe vendimtar të të gjitha formave të nxitjes së urrejtjes dhe intolerancës fetare.” Respekti për diversitetin është një vlerë themelore e Bashkimit Evropian. Kjo përfshin respektin për komunitetet e tjera fetare”.

“Ne vazhdojmë të mbrojmë lirinë e fesë apo besimit dhe lirinë e shprehjes, jashtë dhe brenda. por nuk është gjithçka ligjore dhe morale. Tani është koha për të qëndruar pranë njëri-tjetrit, për mirëkuptim dhe respekt të ndërsjellë. Nga këto akte të kryera nga provokatorë individualë përfitojnë vetëm ata që duan të përçajnë ne dhe shoqëritë tona”, përfundon Përfaqësuesi i Lartë e BE-së.