Djegia e Kuranit në Suedi, Papa: Jam i indinjuar

Papa Francesku ka shprehur indinjatën e tij për djegien e Kuranit në Suedi ditë më parë.

“Unë jam i neveritur nga veprime të tilla. Çdo libër që konsiderohet i shenjtë nga populli i tij duhet të respektohet. Liria e shprehjes nuk duhet të përdoret kurrë si justifikim për të ofenduar të tjerët”, nënvizoi Papa në një intervistë me drejtorin e gazetës emirate Al Ittihad, e cila do të publikohet të hënën.

“Një ditë të rinjtë do të na gjykojnë nëse u kemi dhënë atyre një bazë solide për të krijuar takime të reja qytetërimi dhe ata do të na gjykojnë keq nëse ne nuk u kemi ofruar asgjë veç mirazheve, hezitimeve me rrezikun e përplasjeve të urryera.

Për mendimin tim, mënyra e vetme për t’i mbrojtur të rinjtë nga mesazhet negative, të rreme dhe nga lajmet e shpikura dhe tundimet materiale, urrejtja dhe paragjykimet, nuk është t’i lëmë të qetë në këtë betejë, por t’u pajisni me mjetet e nevojshme që janë liria, aftësia dalluese dhe përgjegjësia”, u shpreh Papa.

Akti i djegies së Kurainit u dënua ashpër dhe nga qeveria suedeze, e cila e quajti atë një veprim “islamofobik”.